शिवार भरलं सरली चण-चण

नागदिवाळी गित

शिवार भरलं सरली चण-चण , घेवुया लुगडं न चोळी , वर्षभरानं वर्षामासानं सण आलं , ही पुजू नागदिवाळी............।।धृ।। कृपा देवाची झाली धनी.. पिक आहे शेतात मोत्यावाणी , आनंद झाला मनात माझ्या , मनाची मैना गाते गाणी , आली अमावश्या मार्गशिर्षाची , नागवंशाची मांदियाळी..........।।१।। शेतात पडतील धान्याच्या राशी , लई येळ राबलं राहून उपाशी , शेतातील काम वाया जाईना , जरी का झाली जीवाची दैना , लावुन दिवा ठाकूर देवा , पावेल भोला भंडारी..............।।२।। बरबटी मोटंच नैवद्य वाहू , भाव मनातील बोलून दावू , भरुनं डोळे देवाला पाहू , मुखान गोड-गोड गुणगाण गाऊ , तुम्ही घ्या डफ द्या त्यावर भाप , मी वाजवतो हाताने टाळी.......।।३।।