पोवाडा मुक्ताईचा.

पोवाडा मुक्ताईचा.

धन्य धन्य मुक्ताई माता, मुक्ताई माता...।।धृ।। साऱ्या जगाची तुच दाता, दागोजी होते तुझे पीता. कनकाई माऊली होती माता, तुच आमची आराध्य देवता. धन्य धन्य मुक्ताई माता, मुक्ताई माता....।।१।। गाव चिमुर तालुक्यातं, आली तु डोमा नगरितं. बसली जाऊन मुक्ताई डोंगरात, डोमा गावच्या घोर अरण्यांत. धन्य धन्य मुक्ताई माता, मुक्ताई माता....।।२।। मुक्ताई नागवंशी जन्मली, देई कृपेची तुचं सावली. मुक्ताई देवस्थानी प्रसिद्ध पावली, नेसुनिया पातळ घोड्यावर बैसली. धन्य धन्य मुक्ताई माता, मुक्ताई माता....।।३।। हातात तलवार घेवुनी, बाळ पाठीशी बांधुनी. युद्धात उडी मारुनी, शत्रुचा निसंतान करुनी. धन्य धन्य मुक्ताई माता, मुक्ताई माता....।।४।। पहाडात आहे दगडाच्या चिरं, निर्मळ पाताळगंगा विहीर. पायथ्याशी आहे निर्मळधार, तुझे आहे दगडाचे घर. धन्य धन्य मुक्ताई माता, मुक्ताई माता....।।५।। मुक्ताई देवी आम्हासी पावली, जन जनात जागृती झाली. मुक्ताई दुर्गेसारखी लढली, धन्य धन्य मुक्ताई माता, मुक्ताई माता....।।६।। सारंग गड तिने जिंकला, सारा समाज जागृत केला. श्रीरामे घराण्याचा उद्धार झाला, शत्रुचा नायनाट केला. धन्य धन्य मुक्ताई माता, मुक्ताई माता....।।७।। श्री. नामदेव श्रीरामे उर्जानगर, चंद्रपूर