Magic Opening Day...

MAGIC Opening Day.....25 December 2019.
Matoshri Academic Guidance Institute for Exam and Training Center... आज वाढदिवस आहे . एका उत्तुंग सामुहिक ध्येयाचा-उद्देशाचा- यशाचा. मॅजिकला उभ करणाऱ्या सर्व कार्यकर्त्यांचे, मदत आणि समर्थन देण्यासाठी पुढाकार घेणाऱ्या प्रत्येकाचे आभार. हे रोपटं 25 डिसेंबर 2019 रोजी लावलं आणि 2 वर्षाच्या कमी कालावधीत मोठ्या वृक्षात वाढन्यासाठी धडपडतय. सर्वांचे मनःपूर्वक आभार.

मोठमोठाले अधिकारी तयार करण्यासाठी पैसे देतो.

मोठमोठाले अधिकारी तयार करण्यासाठी पैसे देतो.

मोठमोठाले अधिकारी तयार करण्यासाठी पैसे देतो.            दिनांक 18 डिसेंबर 2021 रोज शनिवारला भिवापूर तालुक्यातील नांद या गावी नागदिवाळी चे आयोजन करण्यात आले होते. या कार्यक्रमाला मार्गदर्शक म्हणून कारगाव क्षेत्राचे जिल्हा परिषद सदस्य शंकर दडमल, विद्यार्थी युवा संघटनेचे विदर्भ उपाध्यक्ष सुभाष नन्नावरे, ब्राईटएज फाउंडेशनचे उपाध्यक्ष संदीप खडसंग यांना निमंत्रित करण्यात आले होते. हा कार्यक्रम आयोजित करण्यामागे महिलाचा फार मोठा पुढाकार असतो. कोणत्याही सामूहिक समारंभ कार्यक्रमात पुरुष मंडळी दारू पिऊन झगडे भांडण करणे या गोष्टीत नावाजलेलं नांद हे गाव आज वेगळेच चर्चेत आहे. प्रसंग असा घडला वरील तीनही पाहुण्यांनी लोकांच्या मनाला भावेल अशी माहिती उपस्थित समाज बांधवांना दिली. आदरणीय शंकर दडमल यांनी समाजाला एकसंघ राहण्यासाठी आव्हान केले. सुभाषभाऊ नन्नावरे यांनी मॅजिक विषय इत्यंभूत माहिती दिली आणि संदीप खडसंग यांनी देलणवाडीची कहाणी सांगून भावूक केले. त्यानंतर हे सर्व मंडळी व्यासपीठावर उतरले आणि त्यांच्या समोर एक मुलगा हातात पैसे घेऊन त्यांच्या समोर आला.            कृष्णा त्याचं नाव आणि तो सुभाष भाऊंना सांगू लागला सर मी नरडे विकता विकता तुमचं भाषण ऐकत होतो. तुम्ही मॅजिक विषय सांगत होतात. भविष्यात तिथून मोठे मोठे अधिकारी बननार आहे, असे तुम्ही सांगितले. मी दिवसभर नरडे विकून 300 रुपये कमावले आहे. त्यातून मॅजिकला 200 रुपये मदत म्हणून देत आहे. कृष्णाचा मोठेपणा पाहून कृष्णाचे गुरुजी सुभाष नन्नावरे आणि इतर मंडळी आवक झाली. कृष्णा आनंदराव घरत हा नांद येथील जिल्हा परिषद शाळेत 6 व्या वर्गात शिकणारा मुलगा आईवडिल शेतमजुरी करतात. त्यामुळे याला वारसाहक्काने आर्थिक श्रीमंतीपेक्षा मनाची श्रीमती अधिक मिळाली. अभ्यासात तसा जेमतेम असणारा कृष्णा सुट्टीच्या दिवशी छोटी कामे करून पैसे कमावतो आणि कुटुंबाला हातभार लावतो. खरंतर मॅजिक काम अशा होतकरू मुलांसाठीच आहे. परंतु छोट्या मजुरपुत्र कृष्णाने मॅजिकसाठी जी दानशूर वृत्ती दाखवली, ती दानशूर राजा सूर्यपुत्र कर्णाला लाजवेल अशी आहे, असे निसंकोचपणे म्हणावेसे वाटते. अशा या मुलाचे फक्त कौतुकच करणे कमीपणाचे वाटत असले तरी कृष्णाचे गुरुजी सुभाषभाऊ नन्नावरे यांनी आपल्या विद्यार्थ्याला शाबासकीची थाप द्यावी, यासाठी म्हणून स्पीकरद्वारे त्याच्या दानशूरपणाची स्तुती सर्व उपस्थितांसमोर केली. त्याचा परिणाम असा झाला की उपस्थितांपैकी इच्छुक 30 समाज बंधू-भगिनींनी आपल्या पदरचे पैसे मॅजिकला देणगी म्हणून दिले. आणि नागदिवाळीच्या माध्यमातून नांद वासियांनी एक वेगळा पायंडा रोवला. मदत करणान्यामध्ये, 1. सौ कुंदा किशोर घरत 2. सुरेखा विलास घरत 3. शंतनू प्रदीप घरत 4. सदाशिव बारेकर 5. वच्छला किसन ढोणे 6. नरेंद्र बालाजी बारेकर 7. पोर्णिमा सुरेश घरत 8. भूषण राजू बारेकर 9. संगीता बाबा घरत 10. रितिक किशोर घरत 11. कांचन विठोबा घरत 12. कमल संतोष सावसाकडे 13. विमल प्रभाकर सावसाकडे 14. वंदना देवराव घोडमारे 15. शिवानी राजकुमार रंदई 16. समीर सुनील धरत 17. युगांत किशोर घरत 18. प्राजक्ता लवकुश घरत 19. प्रणाली लवकुश घरत 20. ऋषभ जनार्दन वाघमारे 21. महेंद्र दोडके 22. रितू बबलू सोनवणे 23. प्रदीप नन्नावरे 24. मयुर गायकवाड 25. सचिन दादा घरत . 28. स्व. रामराव बावणे (मुलीकडून. 26. स्वाती अमोल रंधई. 27. संतोष माधव घरत. 29. शकुंतला गोपीचंद नारनवरे 30. वच्छला नानाजी दडमल यांचा समावेश आहे. या आदर्शवंत सहकार्यासाठी सर्व बंधू भगिनींचे मॅजिक परिवाराच्या वतीने खूप खूप आभार त्यांच्या उज्ज्वल भविष्यासाठी भरपूर शुभेच्छा.

जमा खर्च अहवाल.

पुनम मुंढरे मदतनिधी जमा खर्च अहवाल.

सर्व प्रथम आपल्या संवेदनशील देणगीदारबांधवांचे मनापासून आभार.             आपण देणगीरूपातून दाखवलेल्या अतूट विश्वासामुळे 4 लाख 9 हजार रुपये पुनमच्या उपचारासाठी जमा झाले होते. यामुळे तिला दवा आणि दुवा या दोन्ही •गोष्टींची कोणतीही कमतरता आपण ठेवली नाही. तरीपण तिच्या शरीराने साथ दिली नाही आणि तिचा दुर्देवी झालेला मृत्यू सर्वांना सर्वांच्या मनाला चटका लावून गेला..             आपल्याकडून पाठवलेल्या मदतीमुळे शस्त्रक्रियेसोबतच औषधीचा आणि इतर खर्चसुद्धा भागवता आला आणि त्यामुळे अगोदरच दारिद्र रेषेखाली असलेले तिच्या वडिलांना पुन्हा अतिदारिद्र्यरेषेखाली जाण्यापासून आपण वाचवु शकलो. आपल्या कडून मिळालेल्या प्रतिसादामुळे आम्ही सर्व भारावलो आहोत. आपल्याला आलेल्या अपयशाची खंत सुद्धा आहे.             पुनमसाठी एकूण 409000 रुपये देणगीस्वरूपात मदत जमा झाली. या मदतीतून 362500 रुपये खर्च करण्यात आले आहे. उर्वरित रक्कम 46500 रुपये एवढी आहे. तसेच पूनमचे भाऊजी संजय ढोक यांनी 17000 रुपये स्वखुशीने संघटनेला परत केले अशी एकूण रक्कम 63500 रुपये संघटनेचे कोषाध्यक्ष यांच्याकडे जमा राहील,

सहविचार सभा

आदिवासी माना जमात विद्यार्थी युवा संघटना, गडचिरोली.
आज दिनांक 24/10/2021 ला संघटनेच्या वतीने सहविचार सभा आयोजित करण्यात आलेली होती.
सभेला उपस्थित सदस्यांनी संघटनेच्या रचनात्मक व कार्यात्मक पुनर्बांधणीच्या उद्देशाने विविध धोरणात्मक विषयावर चर्चा केली.
समाजाच्या व संघटनेच्या सर्व स्तरात उन्नतीसाठी सर्वतोपरी प्रयत्न करण्याचे ठरवण्यात आले. संघटनेच्या पुढील कार्याची दिशा ठरवण्यासाठी पुढील महिन्यात कार्यात्मक सभा घेण्याचे सर्वानुमते ठरविण्यात आले.
सभेला उपस्थित झालेल्या सर्व सदस्य व सल्लागार मंडळींचे खूप खूप धन्यवाद ......!!!

गौरव व शालेय साहित्य वाटप

पूजा फॉउंडेशन व ब्राईट ऍज फॉउंडेशन तर्फे, धर्मराजच्या शैक्षणिक कार्याचा गौरव व विध्यार्थ्यांना शालेय साहित्य वाटप.

भद्रावती तालुक्यातील स्थानिक मुधोली येथून जवळच असलेल्या खुटवंडा या गावात कोरोनाच्या परस्थितीत तेथील विध्यार्थ्यांना शिक्षणाच्या प्रवाहात ठेवण्याची कामगिरी स्वयंप्रेरणेने तेथील युवा सामाजिक कार्यकर्ता धर्मराज विलास चौधरी गेल्या 1 वर्षांपासून करीत आहे. अतिशय दुर्गम भाग असून सुद्धा कोरोनाच्या काळात तिथे शिक्षणात कोणताही खंड पडू न देता विध्यार्थ्यांना शिकविण्याचे काम सुरळीत पणे चालु होते त्यांच्या या उत्कृष्ट शैक्षणिक कार्याची दाखल घेत पूजा फॉउंडेशन दादापुर व ब्राईट एज फॉउंडेशन भिवापूर यांच्या संयुक्त विद्यमानाने धर्मराज चा सन्मानपत्र व पुष्पगुच्छ देऊन गौरव करण्यात आला. यावेळी पूजा फॉउंडेशन चे अध्यक्ष अमोल मो. नन्नावरे, उपाध्यक्ष अमोल बोधने. ब्राईट ऍज फॉउंडेशन चे कार्यकर्ते तथा आ.मा.ज.वि.युवा संघटनेचे विदर्भ संघटक विलासभाऊ चौधरी, नंदूभाऊ जांभुळे (विध्यार्थी संघटना जिल्हा अध्यक्ष चंद्रपूर ) हरीशभाऊ काळमेघें (माजी तालुका अध्यक्ष भद्रावती ) तसेच जि. प. प्राथमिक शाळेचे मुख्याध्यापक टोंगे सर, सहाय्यक शिक्षक खवसे सर, यादव सिडाम (माजी सरपंच) रवींद्र मगरे (अध्यक्ष शाळा व्यवस्थापन ) अंबादास बावणे (तंटामुक्ती अध्यक्ष ) रामदास चौखे (वनव्यवस्थापन समिती सदस्य ) व शालेय विध्यार्थी तसेच गावकरी आदी उपस्थित होते.